Zëvendëskryeministri i Kosovës dhe kreu i diplomacisë kosovare, Behgjet Pacolli ka pritur në takim Miroslav Lajçák, Ministrin e Punëve të Jashtme, Çështjeve Evropiane dhe Kryesuesin e radhës të OSBE-së dhe ekipin e tij.

Pas kthimit të tij nga Afrika, në shtëpinë e tij, ka mirëpritur partnerët nga Republika Sllovake me të cilët ka biseduar për problemet ne vend dhe rajon.

Postimi i plotë i Pacollit:

Pas një programi shumë të zënë dhe të suksesshëm në Afrikë, u ktheva në Kosovë për të mirëpritur miqtë dhe partnerët tanë nga Republika Sllovake.

Në rezidencën time kisha nderin të pres Miroslav Lajçák, Ministrin e Punëve të Jashtme, Çështjeve Evropiane dhe Kryesuesin e rradhës të OSBE-së dhe ekipin e tij.

Ne diskutuam për çështjet me rëndësi jo vetëm në lidhje me vendet tona, por të gjithë rajonin.

OSBE është një partner i rëndësishëm i Kosovës dhe misioni i tyre në Kosovë gjatë dhe pas luftës ka luajtur një rol historik për Kosovën.